அப்போஸ்தலர் டாக்டர் ஜான் ஜே.ஒய். அருள் அவர்கள் (ஜே.ஜே.ஒய். அருள்) இந்தியாவின் சேலத்தில் மேரி லீலாபாய் மற்றும் ஜான் மார்ட்டின் சாமுவேல் ஆகியோருக்கு மகனாக பிறந்தார். அவர் தனது குடும்பத்தில் ஏழு குழந்தைகளில் ஒருவராக இருந்தார். 5 வது பிறந்த மகன் ஆவார். அவர் தனது தந்தையுடன் நெருக்கமாக இருந்ததால், அவரது தந்தை பிறந்ததிலிருந்து அவரை மிகவும் நேசித்தார். துரதிர்ஷ்டவசமாக, அவருக்கு வெறும் 12 வயதாக இருந்தபோது அவரது தந்தை காலமானார். தனது தந்தையின் மரணத்திற்குப் பிறகு, அவர் தனது வாழ்க்கையில் ஒரு பெரிய வெற்றிடத்தை உணர்ந்தார். மேலும் விஷத்தை உட்கொண்டு தனது உயிரை மாய்த்துக்கொள்ள சிலமுறை முயன்றார். ஆனால் தேவன் அவரை உயிரோடு வைத்திருந்தார். ஏனெனில் அவரை குறித்து ஒரு சிறப்பு நோக்கம் இருந்தது.

அருள் ஒரு வாலிப பையனாக இருந்தபோது, அவர் தேவனின் அன்பைத் தேடிக்கொண்டிருந்தார். அவர் பல மதங்களில் இருக்க முயற்சித்தார். ஆனால் அவரது வாழ்க்கையில் ஓர் வெற்றிடத்தை நிரப்ப அவர் தேடும் அன்பை இன்னும் அவர் காணவில்லை. அவர் ஆங்கிலிகன் சர்ச் பாடகர் குழுவில் சேர்ந்தார். ஆனால் கடவுளுடன் உறவு கொண்டிருக்கவில்லை. அவருக்கு 16 வயதாகி, சென்னையில் வசித்து வந்தபோது, அவரிடமிருந்து தெருவுக்கு அருகில் வசிக்கும் அவரது உறவினர்களான சில சகோதரிகள் சிலர், சாராள் நவரோஜி என்ற பெண் சகோதரி சுவிசேஷகரின் தலைமையிலான நற்செய்தி கூட்டத்திற்கு வருமாறு அவரை அழைத்தனர். அன்று அவர் ஒரு கால்பந்து விளையாட்டை விளையாடிக் கொண்டிருந்தார். எனவே அவர் தனது நண்பர்களை இந்த சந்திப்பைப் பார்க்க அழைத்தார். விளையாட்டிற்குப் பிறகு, போதகர் என்ன சொல்கிறார் என்பதைப் பார்க்கவும், தனது நண்பர்களுடன் சேர்ந்து அவர்களை கேலி செய்யவும் அவர்கள் முடிவு செய்தனர். ஆனால் துரதிர்ஷ்டவசமாக, அவர்கள் யாரும் வரவில்லை. அவர் கூட்ட மைதானத்திற்கு (எஸ்.ஐ.ஏ மைதானம்) வந்தபோது 10,000 க்கும் மேற்பட்டோர் இருந்தனா். யாரும் அவரைப் பார்ப்பதை விரும்பவில்லை. அதனால் மைதானத்தின் பின்புறத்தில் இருந்த ஒரு மரத்தைக் கண்டுபிடித்தார். அது இருட்டில் இருந்தது. அங்கே ஒரு கல்லில் அமர்ந்து செய்தியை கேட்டுக்கொண்டிருந்தார்.

சகோதரி சாராள் நவரோஜி மேடையில் வந்து சில நற்செய்தி பாடல்களை அழகாக பாடினார். சகோதரி பிரசங்கிக்கத் தொடங்குவதற்கு முன்பு, அவருக்கு ஒரு தீர்க்கதரிசன வார்த்தை இருந்தது. அவர்கள் கூப்பிட்டு அவரது வாழ்க்கையைப் பற்றி பேச ஆரம்பித்தார்கள். “மரத்தின் அடியில் இருக்கும் இளைஞனே, நீ கடவுளைத் தேடுகிறாய், பல மதங்களை முயற்சித்தாய் தேவன் இல்லை என்ற முடிவுக்கு வந்து தற்கொலைக்கு கூட முயன்றாய், ஆனால் இறக்கவில்லை. இன்றிரவு, இயேசு உன்னை நேசிக்கிறார். உன் வாழ்க்கையை குறித்து அவருக்கு ஒரு பெரிய நோக்கம் இருக்கிறது என்பதை நான் உனக்கு சொல்ல விரும்புகிறேன்” என்று தீர்க்கதரிசனம் சொன்னார்கள். மரத்தின் அடியில் வேறு யாராவது இருக்கிறார்களா என்று அருள் சுற்றிப் பார்த்தபோது, எஸ்.ஐ.ஏ. மைதானத்தில் ஒரே மரத்தின் அடியில் தான் அமர்ந்திருப்பதை உணர்ந்தார். கூட்டம் முடிந்தபின், அவர் தனது வாழ்க்கையைப் பற்றி எப்படி அறிந்திருக்கிறார் என்பதைப் பற்றி மேலும் அறிய ஆர்வமாக இருந்தார். எனவே அவர் மேடையில் இருந்து கீழே வருவதால் அவர்களைச் சந்திக்கச் சென்றார். அவர் தனது வாழ்க்கையைப் பற்றி இவ்வளவு தகவல்களை எப்படி அறிவார் என்று கேட்டார். அவர்கள் அவரிடம், பரிசுத்த ஆவியானவர் உங்கள் வாழ்க்கையை எனக்கு வெளிப்படுத்தினார் என்று கூறினார்கள். அதற்கு அவர் அவர்களிடம் பரிசுத்த ஆவியானவர் எங்கே? என்று கேட்டார். அதற்கு அவர்கள் அவர் எனக்குள் வாழ்கிறார் என்று கூறினார். உங்கள் பாவங்களை இயேசு கிறிஸ்துவிடம் ஒப்புக்கொடுத்து மன்னிப்பு கேளுங்கள். உங்கள் இருதயத்தில் வாழ அவரை அழையுங்கள். பிறகு நீங்கள் பரிசுத்த ஆவியையும் பெறலாம் என்று அவர்கள் சொன்னார்கள். அந்த இரவின் பிற்பகுதியில், அருள் இயேசு கிறிஸ்துவை தனது வாழ்க்கையில் சொந்த இரட்சகராக ஏற்றுக்கொண்டார். அந்த ஆண்டின் பிற்பகுதியில் அவர் ஞானஸ்நானம் மற்றும் பரிசுத்த ஆவியின் அபிஷேகத்தையும் பெற்றார். தன்னுடைய பாவங்களை ஒப்புக்கொண்டு மன்னிப்பு கேட்டு இயேசு கிறிஸ்துவை தனது வாழ்க்கையில் ஏற்றுக்கொண்டார்.

அவருக்கு 19 வயதாக இருந்தபோது, அவர் ஒரு தொழில் முனைவோராக மாறி ஜான்சன் அண்ட் ஜான்சன் டிப்பியின் குயின்ஸ் சாக்லேட் என்ற சாக்லேட் வணிக நிறுவனத்தின் உரிமையாளருடன் கூட்டு சேர்ந்தார். அவர் இறுதியில் இரண்டு நிறுவனத்தையும் வாங்கினார். மற்றும் அவரது வணிக முயற்சிகளில் மிகவும் வெற்றிகரமாக இருந்தார். அவர் தனது உள்ளுர் தேவாலயத்தில் தொடர்ந்து பணியாற்றினார். மற்றும் அவரது போதகர் சாது பென்னியால் வழிநடத்தப்பட்டார். அவர் ஒவ்வொரு வெள்ளிக்கிழமையும் சென்னையில் உள்ள ஒரு உள்ளுர் மலையில் பிரார்த்தனை செய்து வந்தார். ஒரு நாள் மலையில் பிரார்த்தனை செய்த போது, அவர் தனது வாழ்க்கையின் நோக்கம் குறித்தும், அவரை ஏன் தேர்ந்தெடுத்தார் என்றும் கடவுளிடம் கேட்டார். ஏசாயா 42 6-10 ஐ வாசியுங்கள் என்று ஒரு செவிக்குரிய குரல் அவருக்கு பதிலளித்தது. அவருடன் யார் பேசுகிறார்கள் என்பதைப் பார்க்க அவர் சுற்றிப் பார்த்தார். ஆனால் அவர் யாரையும் கண்டுபிடிக்கவில்லை. தேவனின் குரல் தான் என்று உறுதிசெய்து தேவசித்தத்திற்கு ஒப்புகொடுத்தார். அவர் இந்தியாவின் பல இடங்களிலும் மற்றம் தெருக்களில் பிரசங்கிக்கத் தொடங்கினார். சுவிசேஷம் செய்வதற்காக வட இந்தியாவுக்குச் சென்று தனது 20 வயதில் தேவனுக்கு சேவை செய்ய முழுநேர ஊழியத்திற்கு வந்தார். நீலகிரியில் தனது முதல் தேவாலயத்தை கட்டினார். இன்னும் பல இடங்களிலும் புது ஊழியத்தை ஆரம்பித்தார். பல சபை கட்டினார். அடுத்த சில ஆண்டுகளில் அந்த மாவட்டத்தில் மறைந்த ரெவ். டாக்டர் ஒய். ஜெயராஜ் அவரை ஏ.ஜி. ஸ்தாபனத்தில் சேர அழைத்தார். தீர்க்கதரிசன ஊழியத்தினாலும் குணப்படுத்தும் ஊழியத்தினாலும் கர்த்தர் அவரைப் பெரிதும் பயன்படுத்தினார். அங்கும் பல இடங்களில் கிராமங்களில் புதிய சபையை கட்டி எழுப்பினார். பின்பு அவர் மதுரையில் உள்ள நியு ஹோப் பவர் அசெம்பிளிஸ் ஆப் காட் தேவாலயத்தை சபையில் 35 பேருடன் பொறுப்பேற்றார். முன்பு பல ஆண்டுகளாக மூத்த போதகராக பணியாற்றினார். தேவாலயத்தில் இப்போது 2500 க்கும் மேற்பட்ட உறுப்பினர்கள் உள்ளனர். அவர் இந்தியாவில் 100 க்கும் மேற்பட்ட தேவாலயங்களை ஏற்படுத்தினார். அவர் நற்செய்தியைப் பிரசங்கிப்பதற்கும் மக்களுக்கு ஊழியம் செய்வதற்கும் 43 நாடுகளுக்குச் சென்றுள்ளார். தீர்க்கதரிசன ஊழியத்தினாலும் குணப்படுத்தும் ஊழியத்தினாலும் கர்த்தர் அவரைப் பெரிதும் பயன்படுத்தினார்.

டாக்டர் அருள் தென்னிந்திய ஸ்தாபன அமைப்பை நிறவி 400 க்கும் மேற்பட்ட போதகர்கள் மற்றும் தேவாலயங்களுக்கு தலைமை தாங்கும் அமைப்பின் கண்காணிப்பாளராக பணியாற்றினார். 2008 ஆம் ஆண்டில் இந்தியாவில் 40,000 க்கும் மேற்பட்ட பெந்தேகோஸ்தே தேவாலயங்களுடன் நிறுவப்பட்ட தி சினாட் ஆஃப் பெந்தேகோஸ்தே தேவாயங்களின் (SPC) நிறுவனர்களில் ஒருவரான இவர் சமீபத்தில் அமைப்பின் பொருளாளராக பணியாற்றினார். தேசங்களுக்கு சுவிசேஷத்தைப் பிரசங்கிப்பதில் ஆர்வம் கொண்டிருந்த அவர் இந்தியா முழுவதும் பெரிய மற்றும் சிறிய சுவிசேஷ கூட்டங்களை நடத்துவதில் அயராது உழைத்தார். அவர் ஆயிரக்கணக்கான மக்களை இறைவனிடம் அழைத்துச் சென்றார். ரெய்ன்னார்ட் போங்கே, டி.எல். ஆஸ்பார்ன், டேனியல் கோலெண்டா மற்றும் மைக் சில்வா போன்ற சா்வதேச சுவிசேஷகர்களை அழைத்து கூட்டங்களை நடத்தினார். அவரது தொலைக்காட்சி அமைப்பு ஊடக அமைப்பின் மூலம் பல நாடுகளைச் சேர்ந்த மக்களுக்கு சுவிசேஷம் சென்றடைந்தன.

1995 ஆம் ஆண்டில் நிறுவப்பட்ட லவ் அண்ட் கேர் ஹோமின் நிறுவனர் இவர். இதன் மூலம் வீடற்றவர், அனாதைகள் அல்லது ஆதரவற்றவர்கள் என 4000க்கும் மேற்பட்ட குழந்தைகளின் தந்தையானார். லவ் அண்ட் கேர் ஹோம் அனைத்து அடிப்படை வசதிகளையும் கொண்டது. மருத்துவ பராமரிப்பு, இலவச கல்வி மற்றும் தங்குமிடம் ஆகியவற்றை வழங்குகிறது. லவ் அண்ட் கேர் ஹோமில் பட்டம் பெற்ற பல இளைஞர்களின் திருமண செலவுகளுக்கு போதகர் அருள் உதவினார். இத்தகைய பாதகமான சூழ்நிலைகளில் இருந்து வரும் குழந்தைகள், தங்குமிடம் இல்லாமல் பசி (பல நாட்கள் ஒன்றாக), துஷ்பிரயோகம் மற்றும் கல்வியறிவின்மை போன்ற முரட்டுத்தனமான சூழ்நிலைகளில் வருவார்கள். லவ் அண்ட் கேர் வீட்டிற்கு அழைத்து வரப்படும் ஒவ்வொரு குழந்தைக்கும் சொல்ல ஒரு இதயம் துடிக்கும் கதை உள்ளது. 2004 சுனாமிக்குப் பிறகு, பெற்றோரை இழந்த குழந்தைகளை கவனித்துக் கொள்வதற்காக ஒரு கூடுதல் அனாதை இல்லத்தைத் தொடங்கினார். மேலும் விதவைகளுக்கு வீடுகளைக் கட்டினார். மற்றும் அவா்களது குடும்பங்களுக்கு தேவைப்படும் மீனவர்களுக்கு படகுகளை இலவசமாய் வாங்கி கொடுத்தார்.

இந்தியாவின் நீலகிரி மலைகளில் ஒரு பழங்கழ மக்களை கண்டுபிடித்தார். பின்னர் அவர்களிடம் நாகரீகத்தைக் கொண்டு வந்து பல பழங்குடி மக்களை கிறிஸ்துவிடம் வழிநடத்தும் தேவாலயத்தையும் கட்டினார். இந்தியாவில் சுவிசேஷத்தைப் பிரசங்கித்ததற்காக அவர் பலமுறை துன்புறுத்தப்பட்டார். பழங்குடிப் பகுதிக்கான பயணங்களில் ஒன்றில் அவரது மனைவி மற்றும் ஊழிய நண்பர்களுடன் தாக்கப்பட்டார். மேலும் ஏராளமான இரத்தத்தை இழந்த பின் மயக்கமடைந்தார். அதிர்ஷ்டவசமாக ஆஸ்திரேலியாவிலிருந்து வருகை தந்த மிஷனரிகளில் சிலர் அவரையும் அவரது குழுவையும் கண்டுபிடித்து, முதலுதவி அளித்து, அவர்கள் உயிரைக் காப்பாற்றினர். அவர் தலையில் பல தையல்கள் போடப்பட்டது. மேலும் இரத்த இழப்பு மற்றும் உடைந்த எலும்புகளில் இருந்து முழுமையாக குணமடைய பல மாதங்கள் ஆனது. உள்ளுா் சிறைச்சாலையில் உள்ள கைதிகளுக்கு அவர் ஆர்வத்துடன் சுவிசேஷத்தைப் பிரசங்கித்தார். மேலும் பலரை கிறிஸ்துவிடம் அழைத்துச் சென்றார். Feed the Hungry திட்டதின் மூலம் ஏழைகளுக்கு உணவு பரிமாறினார். மிக அண்மையில், கோவிட்-19 ஆல் பாதிக்கப்பட்ட 300 க்கும் மேற்பட்ட குடும்பங்களுக்கு உதவுவதற்காக அவர் வாரந்தோறும் மளிகை பொருட்களையும் உணவுகளையும் இலவசமாய் வழங்கினார். எங்கள் வலைதளத்தில் படங்கள் நீங்கள் காணலாம்.

அருள் வாழ்நாள் முழுவதும் கற்றவர். அவர் பின்வரும் பட்டங்களை பி.காம், பி.டி.எச், எம்.ஏ., எம்.டி.எச்., மற்றும் எம்.பி.ஏ. ஜூலை 2016 இல் ஜெருசலேம் பல்கலைக் கழகத்தால் வாழ்நாள் சாதனையாளர் விருதும், தத்துவ முனைவர் பட்டமும் அவருக்கு வழங்கப்பட்டது. அப்போஸ்தலா் டாக்டர் ஜான் ஜே.ஒய். அருள் அவர்கள் அவர் கிறிஸ்துவுக்காகவும் அதன் வழியாகவும் தனது வாழ்க்கையை வாழ்ந்தவர். அவர் தனது குடும்பத்தை நன்றாக நேசித்தார். அவர் சமைக்க விரும்பினார். பெரும்பாலும் சிறிய மற்றும் பெரிய குழுக்களுக்கு விருந்தளித்து அநேகரை மகிழ்வித்தார். அவர் ஆண்டவரைப் பாடுவதையும் வணங்குவதையும் நேசித்தார், ஐம்பதுக்கும் மேற்பட்ட பாடல்களை எழுதினார்.

ஜூலை 7, 2020 அன்று கோவிட்-19 இலிருந்து ஏற்பட்ட சிக்கலால் இறந்த ஜான் ஜே.ஒய். அருள், 63 வயதில் அவரது மனைவி மல்லிகா, அவரது ஐந்து குழந்தைகள் பிரியா மர்பி, சோபியா லிவிக்விஸ்ட், சாமுவேல் அருள், மெர்சியா அருள் மற்றும் மோசஸ் அருள் மருமக்கள் மற்றும் நான்கு பேரக்குழந்தைகளை விட்டு தேவனுடைய ராஜ்யத்திற்குள் பிரவேசித்தார்.

வழங்கியவர்,

பிரியா மர்பி